Home / New European Bauhaus

New European Bauhaus

Europako Bauhaus Berria egun sortzen ari den diziplina anitzeko sormen-mugimendua da,
eta zuk ere bertan parte hartu dezakezu!

Sarrera

Xadeak

Euskal Autonomia Erkidegoko sarea

Deskribapena

Europako Bauhaus Berriak lotu egiten du Europako Itun Berdea gure bizi-espazioekin. Deialdia Europako biztanle guztiei zuzentzen zaie guztion artean etorkizun iraunkorra eta inklusiboa imajinatu eta sortzeko, gure begi, adimen eta arimen gozamenerako.

Europako Batzordeak Tabakalera Europako Bauhaus Berriaren bazkide ofizial gisa hautatu du, Euskadiko beste bi ekimenekin batera: Conexiones improbables eta Bilbao Metrópoli-30.

Ekimenaren xedeak

Zer da Europako Bauhaus Berria ekimena:

Esperimentazio eta konexio plataforma bat da; funtsean, pentsatzen eta jarduten dutenen arteko, eta etorkizunean elkarrekin bizitzeko modua asmatu nahi dutenen arteko lankidetza bultzatzen du.
Zientzia eta teknologiaren eta artea eta kulturaren munduak lotzen dituen zubia da.
Ikuspegia aldatzeko gonbidapena da, gure erronka ekologiko eta digitalak bizitza hobea lortzeko aukera gisa ikustekoa.
Planteamendu berri horrek, sorkuntza kolektiboaren bidez, irtenbide berritzaileak eman nahi dizkie gure gizarteko arazo konplexuei. Ekimenak gure pentsamendua, portaera eta merkatuak bizitzeko eta eraikitzeko modu berriak artikulatu nahi ditu, besteak beste, kontratazio publikoan eraginda.

Europako Bauhaus Berriaren xedeak:

Herritarrak, adituak, enpresak eta erakundeak elkartzea, eta etorkizuneko bizi-espazioak eskuragarriago eta irisgarriago egiteko moduak aztertzea.
Diseinatzaileak, arkitektoak, ingeniariak, zientzialariak, ikasleak eta diziplina guztietako pertsona sortzaileak mobilizatzea, Europan eta beste eremu batzuetan bizitza iraunkorra berrirudikatzeko.
Gure bizi-esperientziaren kalitatea hobetzen saiatzea, materialen sinpletasunaren, funtzionaltasunaren eta zirkulartasunaren balioa azpimarratzearen bidez, horrek gure eguneroko bizitzan beharrezkoak diren erosotasunaren eta erakargarritasunaren kalterako eraginik izan gabe.
Ideia eta produktu berritzaileei finantza-laguntza ematea, hainbat urtetarako finantza-esparruan sartuko diren berariazko proposamenen eta programa koordinatuen deialdien bidez.

Euskal Autonomia Erkidegoko sarea

Kontsultatu New European Bauhaus ekimenean parte hartu nahi duten Euskal Autonomia Erkidegoko profesionalen sarea.

* Zure profila bidali baduzu eta aldaketaren bat egin nahi baduzu, idatzi iezaguzu helbide honetara: komunikazioa@tabakalera.eus

New European Bauhaus-ko hurrengo ekitaldiak

Ez dago ekitaldirik

Parte hartu Euskal Autonomia Erkidegoko sarean

Tabakalerak, New European Bauhaus ekimeneko kide gisa, Euskal Autonomia Erkidegoko herritar, aditu, enpresa eta erakundeen sarea sortzen lagundu nahi du, horiek ezagutzera emateko eta haien artean bakoitzaren ideiak proposatzeko eta ekimenaren parte izateko.

Diseinatzaile-kide izan nahi baduzu beste artista, enpresa edo erakunderekin batekin, parte hartuz zein zure ideiaren bidez, ez izan zalantzarik: eman izena.

EMAN IZENA EAEko SAREAN

Eusko Jaurlaritza-ren Laguntzarekin

Info gehiago

https://europa.eu/new-european-bauhaus/index_es

Europako Bauhaus Berrian parte hartzeko proposamenen bat baldin baduzu, edo kolaboratzeko asmoz, enpresa, elkarte edo artistekin bat egin nahi baduzu, eman izena.

EMAN IZENA EAEko SAREAN

Iragazkiak