KSIAtea
Eusko Jaurlaritzako Kultura eta Hizkuntza Politika Sailak sustatutako eta Tabakalerak kudeatutako Kultura eta Sormen Industriak nazioartekotzeko programa.
DEIALDIA ITXITA DAGO
Eskaerak egiteko epea 2020ko ekainaren 15etik azaroaren 15era egongo da zabalik.KSIAtea
Sarrera
AZALPENA
Diagnostikoak egiten eta ebaluatzen ditu proiektuak, euskal enpresentzat orokorrean, indarrean dauden nazioartekotze-programak eta -ekimenak eskura izan ditzaten.
Era berean, enpresa horientzako laguntza-plataformaren bidez, gomendioak iradokiko ditu euskal KSI enpresak hobeto txerta daitezen Euskal Autonomia Erkidegoaren kanpo-sustapenari laguntzeko politika publikoetan.
HELBURUA
Helburua da nazioartekotzeko potentzialari buruzko 70 diagnostiko egitea eta nazioartekotzeko 30 plani ekitea abian den urtea amaitu baino lehen, hautatutako proiektuak EAEn dauden KSIen nazioartekotzeari laguntzeko programetan aurkeztu ahal izateko, bai autonomia-erkidegoan (Basque Trade and Investment), bai lurralde-mailan (Foru Aldundiak).
METODOLOGIA
Planak diagnostikatzeko, hautatzeko, osatzeko eta prestatzeko prozesuetan metodologia propioa erabilita, programak esportazio-plan bat prestatuko du hautatutako enpresekin.
Nori zuzenduta dago?
Euskadiko kultura- eta sormen-sektoreko elkarte eta fundazioei:
- Nazioartekotze-diagnostikoa, nazioarteko merkatuei aurre egiteko elkartearen edo fundazioaren potentziala ezagutzeko (gehienez 20 elkarte edo fundazio hautatuko dira).
- Prestakuntza-plana kultura eta sormen industriak nazioartekotzearekin zerikusia duen alderdietan.
Euskadiko kultura- eta sormen-sektoreko enpresei:
- Nazioartekotze-diagnostikoa, nazioarteko merkatuei aurre egiteko enpresaren potentziala ezagutzeko (gehienez 50 enpresa hautatuko dira).
- Nazioartekotze-plana, negozio-aukerak atzerrian, baita prozesu horretan erabil daitezkeen laguntza publikoak ere, ahalik eta gehien aprobetxatu daitezen ibilbidea diseinatzeko (gehienez 30 enpresa hautatuko dira).
- Prestakuntza-plana kultura eta sormen industriak nazioartekotzearekin zerikusia duen alderdietan.
Baldintzak
Euskadiko kultura- eta sormen-sektoreko elkarte eta fundazioak:
- Kultura eta Sormen Industrien sektoreko kide izatea.
- Egoitza fiskala Euskadin izatea.
Euskadiko kultura- eta sormen-sektoreko Enpresak:
- Enpresa bi pertsonak edo gehiagok osatzea. Halaber, banakako enpresa-elkarteen bitartez batera garatutako proiektuak balioetsiko dira. Dena den, kanpoan geldituko dira klusterrak eta enpresa-elkarteak.
- Kultura eta Sormen Industrien sektoreko kide izatea.
- Enpresa pribatua izatea edo gehienez partaidetza publikoa % 50era iristea, Egoitza fiskala Euskadin izatea.
Zure eskaera egiten duzunean kontuan hartuko diren zenbait ezaugarriren inguruko informazioa hemen kontsulta dezakezu.
Eskaera egiteko epea
Eskaerak egiteko epea
2020ko ekainaren 15etik azaroaren 15era bitartean egongo da zabalik.
Aurreko edizioak
KSIAtea 2019